اسلام آباد:سپریم کورٹ نے پاناما پیپرز کیس میں تحقیقات سے متعلق کیس کی سماعت کے دوران حسین نواز کی تصویر لیک ہونے پر جے آئی ٹی سے جواب طلب کرلیا۔

جسٹس اعجاز افضل کی سربراہی میں سپریم کورٹ کے 3 رکنی خصوصی بینچ نے پاناما کیس کی تحقیقات میں پیش رفت سے متعلق کیس کی سماعت کی، سماعت کے دوران جے آئی ٹی کے سربراہ واجد ضیا نے اب تک ہونے والی پیش رفت پر مشتمل رپورٹ پیش کی۔

سماعت کے دوران حسین نواز کے وکیل خواجہ حارث نے اپنے موکل کی تصویر لیک ہونے کا معاملہ اٹھا دیا۔

خواجہ حارث نے کہا کہ وڈیو ریکارڈنگ کی کسی قانون میں اجازت نہیں،اس سے پیش ہونے والے پر دباؤ بڑھتاہے تصویر لیک ہونے کی ذمے دار جے آئی ٹی ہے۔

وکیل خواجہ حارث کی بات پر  جسٹس اعجاز الاحسن نے ریمارکس دیئے کہ حسین نواز کی تصویر اسکرین شاٹ ہے۔ وڈیو ریکارڈنگ نہیں۔

جسٹس اعجاز افضل نے کہا کہ اس معاملے پر جے آئی ٹی کو سن لیتے ہیں تحقیقات کی ضرورت ہوئی تو دیکھیں گے۔

انھوں نے جے آئی ٹی کے سربراہ واجد ضیا کو مخاطب کرتے ہوئے کہا کہ آپ کو تمام تحقیقات مقررہ وقت میں مکمل کرنا ہیں،اس ٹائم فریم پر کوئی سمجھوتہ نہیں کریں گے اور مقررہ وقت میں ایک دن کے اضافے کی بھی اجازت نہیں دیں گے،پہلی رپورٹ میں آپ نے مشکلات کا ذکر کیا ہے،تمام حقائق پر مشتمل نئی درخواست دیں اور اس میں تمام مشکلات شامل کریں،درخواست پر اٹارنی جنرل کو ہدایات جاری کریں گے۔

Subscribe for our email updates…

Email

Raah Tv Live

About Raah TV

Raah TV is a Pakistani infotainment web channel with a vision to promote positivity, optimism and hope.